الغاء الموضوع

والله ماعندكم الا الزعاج والترقيم وقطع الاشارات والاستعراض والحركات الي مالها داعي ومسوين انكم فوق القانون 
انا مع فكرة قروب محترم لكن شفت اكثر من قروب كذا نظامهم 
الله يهدي الجميع 
فيه منتدى دراجات يمكن تراجع به وتستفسر هذا للسيارات

لولوه ماهوب كلهم كذا ياخي انا اعرف ناس معهم الدباب وانا منهم ومانسوي كذا

انا ما عممت اخوي دحووم اتكلم بصيغة الاغلب وبالعكس هالشي ممتع وتعتبر هوايه لكن الي يذكرته يحصل وما ينكره احد وبما انك من اصحاب هالهواية تقدر تاكد او تنفي هالشي 

وراجع ردي وتلقاني اني كاتب اني مع هالفكره
تحياتي واحترامي لكم

والله للمره المليون اقول اننا مساكين

ما عندنا الا التجمعات لا و على حسابنا ما فيه اي جهه تدعمنا

و ما فيه شيء بالرياض والله ما فيه الا الضعوي

لكن الشكوى لغير الله مذله

جاي عندي هنيا تبي قروب اجل هاه انت من يوم مشيت مع بدر عايد وانت متغير ههههههههههه

محد عنده سااالفه مع احترامي  اذا قصدكم نطلع و نزعج و نقطع الاشارات وين نروح لا اماكن زي الناس ولا شي و البانشي هوايه حللوه و انا عندي قروب بس ياليت تفتحون مخكم شوي قبل لا يطلع الكلام ويين نروح اذا مافيه مكان 

انطق في بيتكم وجمع اخويانك فيه ولا رح سافر ولا عندكم الثمامه دامك بالرياض ولا مقاهي واستراحات والاسواق مفتوحه لكم وش تبون اكثر من كذا ؟

لاقلنا وش فيكم قالوا طفش  طيب رح صل ركعتين وشف لك مصحف تقراه .... 
 

انا والله استحي من أهلي وجماعتي يشوفوني على الدباب واتمشى فيه 
فيها قبائل ذي ههههههههههه
سؤال يسدح نفسه ليه حقين الدبابات يحبون التميلح ويشوفون انفسهم حلوين 

ابو يزيد 000
أخي أبو يزيد وش الدعم اللي تبغاه بالضبط . الظاهر تقصد اذا اجتمعتوا نعطي كل واحد 500 ريال وبعدين وش الميزة اللي فيكم عشان يجيكم دعم .
بكره أصحاب الجموس يبون تجمع ودعم ... والهايلوكس وهات يا دعم .....

أخي صاحب الموضوع : المفروض هالدباب يكون وسيلة نقل وهواية تمارس في بعض الأوقات وليس وسيلة استعراض وازعاج مثل اللي نشوفه في شوارع الرياض .
الكلام ينطبق على الأغلب من أصحاب الدبابات .

نسافر مافيه فلوس اذا على حسابك اوكيه و المول رحنا و قالو ممنوع تدخل الجماعات و الثمامه. كل مانروح لاازم نقابل سكران ولا محششين عيشه زفت اقسم بالله