بخصوص استخراج رخصة من دلة الي طلع يدخل ويفيدنا الله يوقفه

اذا عمرك 18 او اقل مافيه مشكلة 
روح عند المرور قسم الرخص 
قول ابي اطلع رخصه بيعطيك ورقة اكتب جميع بياناتك من اسم ورقم السجل الخ ...

وبعدها تروح للمدرسة ويطلبون منك ملف علاقي و6 صور شخصية ورسوم المدرسة 434 تقريبا 
ومدة تعليم المدرسة 5 ايام منها محاظرات وتجاوب على اسئلة على الحاسب وبعدها على الميدان يعلمونك كيف توقف الخ ...

وبعدها اذا خلصت يقلون ارجع للمرور استلم الرخصه طبعا رسوم المرور سابقا 100 
الحين خفظوها 25 ريال بسسس

واذا معك فيتامين ( واو )  في نفس اليوم تطلع رخصة ولا تتعب نفسكك 

اتمنى اني افدتك اخوي وان شاء الله تنجح الله يوفقك

انا اعرف اسوق دباب لازم يدرسوني

عمري 22

ابي بس اختبار

مافهمت عليك اخوي 

وترا فيه رخص خاصة لقيادة الدباب 

في دلة ابي اطلع رخصة قيادة هم لازم يسسون اختبار وانا سبق وتعلمت من صديقي بس ابي رخصة عشاني عسكري وابي صنف فهمت

وطلب كم معلومة عن اختبار حتى اكون فاهم الوضع

حتى لو تعرف تسوق لازم تدرس يوم واحد في قاعة كبيرة يعلمك
عن اجزاء المحرك الداخلي والاشارات التحذيرية
بعدها تجي اليوم الثاني تختبر اذا نجحت تروح للشباك يقولك تعال بعد
الظهر هذا اختبرت بدري الصباح اذا اختبرت متأخر تجي ثاني يوم 
تلاقيها مرصوصة ع القزاز يطلبك الهوية ويعطيك الرخصة وصل الله وبارك

شوف هاذا الموضوع بيفيدك بكل شي
http://montada.haraj.com.sa/39071/%D8%B7%D8%B1%D9%8A%D9%82%D8%A9-%D8%A7%D9%84%D8%AA%D9%84%D8%A8%D9%8A%D9%82%D9%87-%D9%81%D9%8A-%D8%AF%D9%84%D9%87/

اخوي رسوم اصدار من المرور 250 ريال لمدة عشره سنين

يارجال سهلات ولد عمي صغير بزر طلعها  

انا قدمت الاحد ع ماضن وعطونى موحد الاحد الجاى الساعه ٩ عاد مدرى اختبار ولا غيره

السلام عليكم اخوي 
شفت رردك بل موضوع 
وياليت تعطيني رقم المدرب 
وكم سعره لاهنت 

اولا لابد يكون عمرك مكمل 18 سنة طبعا تروح لمستشفى حكومي فقط ... وتطلع منهم فصيلة دمك وتتوجه لدله وبيطلب منك المستلزمات بالظبط وشي ماذكرها لاني مقدم من مبطي عموما من ضمنها صورة من هويتك و4 صور لك اظاهر ويسجلك في المدرسة بعدها يعطيك سند قبض وفيه محدد متى تحضر المحاضرة يقول لك بعد اسبوع بعد كذا على حسب عاد تجي للمحاضرة طبعا وقتها 3:45 طبعا الكلام هاذا يوم اني اطلع رخصة مدري الحين اختلف الوضع ولا لا ... مع انه اعتقد نفسه عموما تحضر المحاضرة كلها ارشادات ويبلغك عن اللوحات ومدري ايش ومعطينك كتاب مسجل فيه معلومات مثلن سرعة السيارات الصغيرة في الشارع الفلاني كذا وكذا انت حاول تتطلع عليه اوتحفظ اللوحات وش معنى اللوحة هاذي وكذا ... وبعدها ياطويل العمر يحددون لك موعد الاختبار والغالبية بعد اسبوع هاذا اللي صار لي يقول لك تجي من 6 الصبح تجي اول شي تختبر على الكمبيوتر طبعا اللي هي اللوحات الارشادية وكذا يكتب ماذا تعني هاذي الصورة ويحط لك 4 خيارات وانت اختار طبعا 20 سؤال لابد تجاوب على 15 حتى تجتاز الاختبار طبعا اللي ماتعرف سو له تأجيل وشف اللي بعده واشتغلهم لين توصل 15 وهو عالطول بيعطيك تجاوز انك نجحت بعدها تنتظر برا ويبدون ينادون بالاسماء كل 4 اشخاص في سيارة وتطلع للميدان اهم شي اربع شغلات حاول انك تسويها قدامه اول ماتركب ادعس خفيف للموتر كانك تتأكد انه شغال وسو نفسك تظبط المرتبة وحاول انك ماتخليها بعيده مررة واربط الحزام وتلفت كنك تشيك على المرايات ودق سلفك وامش هادي ولا ترتبك ولا تساله وين اروح ولا وش اسوي خلك عادي وحسسه انك واثق من نفسك طبعا اذا جيت عند لفه يمين او يسار تقاطع وقف ولاتنسى تدق اشارة وبوري بعد لين يقول لك وقف اذا قال لك وقف دق فلشر ... عاد هو يقيمك اذا عطاك كل شي صح معناها اجتياز ... طبعا لابد تكون مسدد عن طريق الصراف الرسوم اذا اجتزت يعطيك الملف حقك وانك مجتاز تروح لشباك 5 وتنتظر ربع ساعة ويعطيك الرخصة وتدق سلفك وتمشي ... اتمنى ان افدتك والمعذرة كاني نسيت شي كاتبها بسرعة بسرعة

ياشباب لوح الدباب كيف اطلعها وبكم

يااشباب انا طلعت رخصة لدباب 

بس المشكله كاتبين نوع الرخصة : دراجة ألية 
مدري وش العلم اتمنا تفيدوني 

اقسم بالله كل ع بحر يسبح

الرجال يقول رخصة دراجه ناريه وإخونى البراهيم جايب موضوع السياره

اي والله انا استغربت لما يقول تربط الحزام قلت ياولد تطورت الدبابات صارت بااحزمه يمكن موديل جديد وبعدين تنبهت انه يتكلم عن السياره ولما شفت تعليفك مت من الضحك الله يهدبك وااله اسعدتنا الله يسعدك دنيا واخره فول امين

قدمت بمرور التخصصى وخلصت اوراق واختبار بعشر دقايق وطلبو منى ورقة بصمات من الادلة ورحت البطحاء خلصلتها بخمس وارجعت المروؤ واخذتها ماتتعدى ربع ساعة خلها نصف ساعة وطلعتها فقط المسافة بين مرور الرياض التخصصي والادلة بالبطحاء متعبة المسافة والزحمة ومفروض البصمات من المرور الحاسب واحد بجمييع المملك