لماذا يعرض اصحاب الدبابات الكبيرة.فئة التورنق.او البولفارد

ياحبيبي الهارلي وشبيهاته مصممه للطرق السريعه ربعنا ماخذينها هياط وكشخه وحقت ربوع وخميس وتميلح عند البنات واشوف هالشي كثييير واغلبهم مايدري وين يودي الدراهم له

الدبابات هذه فيها متعة في السفر  والخطوط الطويلة ولا اروع    
تحصلهم في امريكا  مجموعات  ياخذون خطوط  من  كليفورنيا  الى  نيويورك   وناسة  على الطريق 

لأنها لا تصلح في الدول العربية والخليجية على وجهه الخصوص, هذا النوه من الدراجات يحتاج إلى طرق سريعة وأجواء ربيعية معتدلة. مو التحلية وطريق الملك فهد والدائري الشمالي.

النوه = النوع ....

شوف يالغالي اذا تبا تقولي الممشى ما الممشى ترى كلها سلك تحت المكينه افصلو وانتهى ....

امشي على الدباب 40 الف ونزلو الحراج ماشي 5000 الاف ... وهاتك ياسومات ...

يمين ربي كلها طالعه كدا وقدام عيني الا من رحم ربك .... انا عندي ريس 2009 اخدتو بسنتو

دحين بشوف عالم يجيك يقلك الدباب حقي ماشي 10 الاف ... وانا ممشى دبابي حقيقي واصل 

50 الف وانا ماامشي عليه والله الا فين لفين كيف 10 الاف .؟؟؟؟

انا اشوفهم يفكو السلك عندنا بجده .... فلا تعتمد على كلام البائع دائما .....

موفق ...

lolo-ss..... صحيح كلامك وكلا يهايط على ليلاه

abd_alrhmn  و  أبو جـود.....حلاه الدرجات النارية في السفر  الاجواء الربيعية

roro212.....والله لمن اشوف الممشى قليل اقول ونيتي حسنة اكيد الدباب واقف اغلب الاوقات في  بيته ,او الرجال راعي سفر او دراسة ومهو فاضي.اثاريها علوم وفصل عدادات

مشكورين على ردودكم

بخصوص ليش يبيعون وهي باقي مامشت شي اعتقد الاخ roro2012 اجاب على هذه المسألة بكل واقعيه

وبالنسبة للملل هذا يختلف من دباب لآخر على حسب تكامل الدباب ومن شخص لآخر

بالنسبة للصيانة الياباني بشكل عام صيانته سهلة وتجي تركيبة القطع وطريقة تجميعها مدروسة صح بعكس الهارلي تراه نكبه, واسعار
القطع اللي اعرفه ان السوزوكي ارخص شي

مسألة الحرارة ترا مايعاني منها إلا نوعين من الدبابات, اما دباب فيه عطل او دباب هارلي, الياباني مايعاني من الحرارة اذا كان نظيف
حتى لو كان بدون رديتر بس حافظ على نظافة راس المكينه من الزيوت والطين الخ لأن الدباب اللي بدون رديتر يبرد عن طريق 
الشرايح المعدنية اللي حول المكينه فخليها نظيفة عشان الهوا يوصل لها ولاتخليه شغال لفترات طويله وهو واقف, اما الهارلي ماينفع
فيه حتى لو جديد بسبب اخطاء في التصميم وشرحها 
يطول لكن اذا لغتك جيده شوف مصايب الهارلي في هذا الرابط :
 www.jamesrussellpublishing.biz/beforeyoubuyharley.html

موفقين.

كل اللي تكلمو بخصوص الهارلي ماعندهم لايفقهون فيه...انا راعي هارلي من سنين حتى الحين...اولا: بالنسبة ليش يبيعون التورنق او الرحال انا اعلمك , لآنو ياعزيزي
نسبة 90% منهم يشترونه تقسيط , سعره كاش من 120000 ريال وفوق للرحال , قيشترونه عن طريق بنك وستانسون الربع اول
كم شهر وبعدين يمرون بأزمة مالية ويظطرون يبيعونه , يعني مهب كاش اللي يشتري هارلي على فكرة...

ثانياً : بالنسبة لموضوع عداد الهارلي وانه يقدر يلعب فيه! هذي اول مرره اسمع فيها! الهارلي ماتقدر تسوي شي بالعداد الا عن طريق البرمجة ويتم وصله بالكمبيوتر...
يعني اللي يتفلسف ويقول انه عداد الهارلي سلك وما سلك انا اقول انك جاهل جداً...والظاهر يتكلم عن دبابات السباكين البخارية...

ثالثاً : الهارلي دائما يجي 2 سلندر او V-Twin وتختلف من البساتم وحجم المكينة من دباب الى اخر...الهارلي مايجي ابداً اكثر
اسطوانتين...وتختلف في حجم وسعة البساتم في هذه الاسطوانتين...

رابعاً: الهارلي مافيه رديتر ابد الآبدييييييييييييييييييين...واكيد حرارة فيه...وكل دباب فيه...منطقيا لأنه المكينة مكشوفة وتحت لجهة الأمام ومن الطبيعي الحرارة
تطلع لفوق وتجيك فقط في حالة الوقوف...

خامساً: اللي يقول الهارلي فيه اخطاء بالتصميم!!!!! يارجل هذا دليل انك ماتفقه بالدراجات النارية شيء...وخصوصا الهارلي...
الهارلي بالعكس يعتبر من انجح التصاميم للراجات النارية...يكفي موضوع عدم احتوائه على رديتر...ومكينته الجبارة والنادرة الاعطال ابحث بالنت زين ياعزيزي
لو فيه اخطاء ومشاكل وعطل سواءا في التصميم والا غيره...ماكان له شعبية كبيرة ومهولة واحتفاليات سنوية وشهرية في العالم
 مايعرفها الا المهتم بالدراجات النارية...خصوصا من فئة الكروز...وماكان على كذا منتشر بأوروبا ويسوون احتفاليات خاصة بالهارلي...
ماكان على كذا اليبانيين يستوردون ويشترون الهارلي بكثرة بدولتهم...ابحث باليوتيوب وشف عنهم...
والدراجة النارية اليابانية اصلا هي ملكة الحرارة اللي تصلخ جلدك صلخ....يكفي حقين الريس اذا وقفو عند اشارات يطفون دباباتهم...
وغير كذا يااخي في هارليات من موديلات السبعينات والثمانينات موجودين حتى اللحظة هذي وزي الحلاوة شغال ولاعمره اشتكى
وانا عندي واحد يشتغل منهم...والزملاء عندهم...وسافرنا فيه ولاعمرهن اشتكن...يعني كل موضوع الاعطال للهارلي كلام غير صحيح

سادسا: اللي يقول يتميلح ويهايط ومادري وشو...لا اجل وش رايك احط الهارلي بالصالة زينة عشان مااتميلح واهايط!!!
اجل اللي يشتري سيارة فارهة ورزة وش يسوي مثلا!!! 24 ساعة دوران بالشوارع ويناظر يمين ويسار عشان شوفوني!!!
ويوقف عند بوابات الاسواق وش يسوي حضرته؟ ينتظر اهله مثلا؟ ياحبيبي هذا هارلي مصمصم للإستعراض والشو و و و...
اجل ليش شاريه هالهارلي...اطعس فيه مثلاً؟ اكيد الهارلي حق استعراض...اصلا مصنوع هو للشيء هذا غير الاستمتاع بقيادته...
هو كشكل وكصوت وكمنظر و و و ملفت للأنظار بدون مايتعمد صاحبه انه يستعرض فيه...

سابعاً: الهارلي عالم آخر...مهب ريس والا اي نوع من الدراجات النارية...لهم جو خاص ولهم حياة خاصة...وسفريات خاصة...
ونوادي خاصة وقروبات خاصة...الهارلي مهب اي واحد يشتريه ويعشقه...مشكلة الناس يتهيض ويشتري هارلي...ويكتشف بعدين انه
مهب قده...لأنه ينصدم من اسعار الاكسسوارات الغالية...وسعر صيانته في الوكالة...
وطريقة قيادته يبيله واحد رايق وهادي ومزاج...مو بانشي ترفيع غزالة والا ريس ترفيع وهياط...الهارلي له ذوق خاص...

سابعاً: الهارلي فئات كثيرة جدا ومختلفة اختلاف كبير عن بعض...يجيك 5 فئات وكل فئة يندرج تحتها اكثر من دراجة يعني من 4 - 5 او اكثر....وانت حسب ذوقك
وارتياحك بعد تجربة الجلوس فيه...

وفي الاخير صراحة مهما تكلمت عنه ماراح اوفيه...

لي 10 سنوات بالهارلي واموري تمام....يكفي المرور يمشينا ويحترمنا....ويكفي اننا معترف بنا لرعاية الشباب...

اختم بكلامي انو ياليت قبل الفلسفة بشء لاتفقه فيه انك تبحث بالنت عن معلومات اكثر عن الهارلي...

رد مسكت وقوي . لا تعليق

رد فاهم قصف جباه المتفلسفين 

يا شباب اللي ما عنده سالفه الصمت زينه

تحيه لگ يا armycomrade

:/ شكرا ي مثقف .. ~ ع الافادهة

تسكييت وزبد من الاخر

 كفو والله 
احب المتخصص في مجالة والفاهم 
مولازم ارد على كل شي !!
ومو عيب تسكت اذا ماعندك اجابه 




اخواني ابي واحد متخصص في الهارلي 
ابي اسئلة  
انا من ملاك دباب بانشي وشبه متخصص في السزوكي ريس gsxr

وليس لي صله البته في الهارلي 
ولاكن بحكم ان شركة باريان الي هم وكيل سزوكي مايعطون دبابات اقساد 
اتجهت الى شركة هارلي وبطلع منهم عما قريب ولاكن انا محتار انا احب الصوت والشكل الرياضي ولست من عشاق الترحال او السفر 
وابي شخص فاهم اخذ رايه ونصيحته اي نوع اختار 

اذا امكن 0549476666 
التواصل على الرقم واكون له من الشاكرين