بخصوص تمويل الدراجات النارية

ما اتوقع بتحصل احد لان مشاكلهم واجد وخصوصا التامين واحد توفى لا قدر الله وين يحصلون حقهم لذلك انصحك تاخذ قرض واشتري اللي تبي وخلاص

القرض هو الحل الوحيد ,, والله الدبابات ما وراها إلا المشاكل والتكسير إتركها وروح جدد سيارتك أو لا تاخذ قرض والله بتعيش براحة

الدين عماه عين الله لا يحوجنا للدين الله المستعان

ويش تبغى بالدباب والله ولد جيرانا صابة شلل رباعي بسبب حادث دباب  واصبح طريح الفراش وعمرة 23 سنة   نصيحتي لك ابعد عنها والله مافيها خير

كل انسان وله هوايته ومن حقك تستمتع بالدراجات النارية لكن انا مثل ماتفضلوا الشباب رأيي من رأيهم
هالهواية خطورتها مرتفعة وحتى صارت مكلفة .. يعني قيمة دباب مميز يوازي قيمة سيارة .... الله يحفظنا وإياك وشباب المسلمين

انا اشوف الدباب في السعوديه غير مناسب بتاتا

1- شوارع كلها حفريات ومطبات ومفاجات وكلا يحدك ويجاكرك 
2- الاجواء الحاره وشكامين السيارات وزحمه وسواقة بعض الهمج ماتساعدك
3- نظرة المجتمع السلبيه بشكل زائد علي اهل الدبابات وانا مااعتبرها مشكله

الله الحافظ والدراجات لها متعتها مثل أي هواية