محتار بين كوزاكي 300 و سوزوكي 600

الحين مقيمني سلبي ورايح وش وضعك يعني وش استفندنا منك يا تقول كلمة وتقيم والا تذلف
أما مقيم وانت ساكت صدق ان ما عندك سالفة

اخوي الكوزاكي بتمل منه بعد ما تتعلم عليه بسبب ضعف عزمه .
اما اذا بتاخذ 600 بتتعلم عليه وبيقعد معك سنه او سنه ونص بعدين بتاخذ 800 او 1000
الخيار راجع لك اذا بتاخذ 300 تعلم عليه ثم بيعه وخذ مقاس اكبر .

خذ السزوكي وذا انت عليمي مثل مقال الطبيقي 600 ماينفع مره خطير تعلم على 300
واذا امورك تمام ومتعلم انصحك بالسزوكي 750 قطع غيار منتشره ومرغوب حتى لاجيت تبيع
وقوته جايه بين 600 و1000 مناسب جداً
اما الكوزاكي بيتعبك بالقطع وبيتعبك لاجيت تبيعه

اذا انت صارلك فترة تركب دبابات خذ ال 600 اما اذا مبتدئ راح تكون مخاطرة. النقطة الثانية اعتقد ان السوزوكي افضل من ناحية الاعتمادية والعمر والصيانة

اخوي انا نفس وضعك من ناحية الطلعات و الفرفره 
والشهاده لله اول دباب اسوقه بحياتي تعلمت على شوية مقاطع باليوتيوب 
واخذت الرخصه وتوكلت على الله اخذت سوزوكي 600 صارله سنه بدون مشاكل
ومثل وضعك طلعات ويكند فقط وفرفره لوحدي

المهم ارشحلك السوزوكي لاسباب 
القطع منتشره ومرغوب عند اعادة البيع وصيانته سهله واليوتيوب مليان 
فيديوهات توضيحيهولو ان ممشاه واجد لكن اذا كان نظيف وصاحبه محافظ عليه
توكل على الله والله يكتبلك الي فيه الخير والف مبرووك مقدماً

الشكر لكم جميعا ليت اقدر اقيمكم الف شكر

السوزوكي افضل 
عندي ٧٥٠ ماشاء الله قطع غيار واكسسوارات مليان 
ومرغوب ويكرف وبيعته خفيفه على طول اما الكوازاكي له عالم ثاني 
بامريكا ودول ثانيه اما الخليج عليك بالسوزوكي ومن واقع تجربه