ما هو عيوب الدباب الصحراوي ساكس الصيني 250

الصحراوي مو حق هجوله اذا فلوسك ع قدك وتبي شي جوده ويمشي معك ومنظره أنيق وياباني وقطعه متوفرة ورخيصه عليك بالسوزوكي

gxr150cc والله يوفقك

والرابط هذا يختصر لك كلامي

https://www.youtube.com/watch?v=O04PGCeIjLQ

الصيني يحتر بالنفود مايمشي مع الكرف مجربه ابو كلب 

الصيني كم شهر وينتهي مجرد شكل

دور سوزوكي نظييف وبسسس

بيض الله وجيهكم
ونبغى زود معرفه منكم

الصيني يتفكفك بيومين ماينفع ابد حرام تحط فلوسك فيه

السلام عليكم ورحمة الله وبركاته،،

اخي الكريم،،

الصيني ساكس وارد جواد للمحركات،،
انا شريت واحد صغير 70 سي سي للبزورة بي 1950 ريال
وطلع كويس يعتبر صيني بجودة متوسطه،،
بعكس الصيني الصغير ابو الف أو 900 ريال،،
وإذا تبي تختبر جودة اي شيء
سلمه بيد البزران،،
ولعلمك الخاص الان الياباني سار مثل الصيني،،

انشاء الله مافيه مشاكل في الجودة،،
ولكن اهم شيء قبل تطلعه من الشركة
لازم يشدون كل المسامير،،
اهم شيء،،
شركة ساكس الصينيه
جودتها مثل جودة تايوان
كويسه تمشي الحال

شريت واحد 250سي سي ساكس صحراوي بي 4000 ومغط فيه وهجولت كل مكان
شوارع ارصفه طعوس

ولا بقيت مكان
ومطبات وحفر،،

ولا اشتكى من شي،،

اهم شيء قبل تطلع من الوكالة
شدد مسامير بساتم الفرامل والكفرات
والشكمان،،

وشريت صيني ساكس 70 سي سي
للورع حقي

مابقى َول خلا ولا مطب
ولا رصيف ولا برحة،،
الا هجول فيها،،،
ولا طلب شيء،،
والله اتوقع جودتها الان طيبه،،

ساكس صيني بتقنية ألمانية،،،

المهم ان اهم شيء
ان الوكالة
جواد للمحركات يعطون ضمان سنتين على المكينة
ولهم ثلاثه فروع
جدة الرياض الدمام،،،،

والله يااخواني الان
السزوكي جودته مثل التايَواني

ولعلمكم الخاص
سزوكي الان تصنع في الهند وفي الصين،،

البطه هوندا ياباني تجميع وتصنيع هندي،،

والساكس ألماني تصنيع وتجميع صيني