أضف سؤال أو موضوع جديد          

ليه مانشوف البديل تعالو نشوف

up 3 down 10
sloo00 582
قبل 9 شهر و أسبوع



بسم الله الرحمن الرحيم..
والصلاة والسلام على رسول الله
السلام عليكم ورحمة الله وبركاته
في البداية نبارك لكم القرارات المليكة ليلة البارح للموظفين والعسكر .. ونقول للي ربي ما كتب له عمل
أن الله يرزقه من واسه فضله.. ويكرمه بالوظيفة الي يتمناها..
والله يديم حكامنا و ولاة أمرنا ويحفظ لنا بلادنا من كل سوء ..
موضوعي عن مناقشة فكرة الدراجات النارية الكل عارف أنها وسيلة من وسائل النقل
الخفيفة في بعض دول العالم والبعض يعتبرها من الهوايات ووسيلة من وسائل الترفيه..
حقيقة مع الازمه الي صارت هذا الشهر من ارتفاع البنزين وفرض الضارئب وغيره..
اتوقع الكثير بدا يراجع نفسه ويراجع أولويته في أختيار السياره المناسبة الي ما تكلف عليه مصاريف بنزين عالية
والبعض فكر في امكانية بيع سيارته واستبدالها بنوع ثاني كله في سبيل التوفير ..
طيب اذا الواحد كان اغلب مشاويره لحاله ليه مانفكر بالدراجات النارية .. الدبابات .. البايكات..
بمختلف مسمياتها ..
كوسيلة نقل خفيفة وموفره للبنزين!! وبالعكس ممكن انها تفكك من الزحام
وتخلص امورك ومشاويرك في اسرع وقت ممكن ..
وش الي يمنع ودي نشوف منكم ونسمع الاراء المختلفة من كل واحد وش يشوف من وجهة نظره ووش الاسباب
الي ممكن انها تمنعك من استخدام الدراجة النارية او الدباب .؟
عن نفسي افكر جديا اشوف لي دباب يكون لاستخدامي الخاص
ومشاويري الخفيفة ومنها المتعة والتمشية..
بوفر بنزين وبكسب وقت فالمشاوير وبفتك من الزحمة ومتعة وترفيه في نفس الوقت ..
والسيارة فقط تكون للدوام او مشاوير العائلة
وطبعا في انواع كثير من الدبابات منها الريسات والكروز والكلاسيكية وفي انواع منها تجي ب اماكن تخزين
وكل شي يعني فعليا ممكن ما ستخدم السيارة الا مشوار عائلي او لدوام فقط..
وتنسفط..
موضوع وجا على بالي وقلت اشاركم فيه والله يوفق الجميع يارب ..








إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


اذا مشاوير قريبة قريبة مرة الافضل السيكل لانه صحي


up 9 down 0
بوسعد m 23
قبل 9 شهر و أسبوع



والله بالسياره والناس تغلط علي وتلف

فما بالك بالدراجات الناريه

وثانيا شوارعنا مالها مسار للدراجات الناريه

يعني ماتدري وش تمسك .. اليمين ولا اليسار ..

ان مسكت اليمين .. جاك واحد ووقف عشان بيدخل موقف او بيلف من لفه .. وانت راح تصدمه من ورا .. وان مسكت الايسر ما راح ترحمك السيارات المتهوره

طبعا انا اتكلم عن شارع مسارين .. اما لو دائري او غيره .. فاشوف انها خطيره .. لان مالها مسار محدد .. واذا لا سمح الله اندقيت .. راح تطيح وتندعس

اذا تقصد استخدمه داخل الحي .. اروح احلق .. اجيب اغراض من البقاله .. فما فيه مانع .. لانها شوارع مافيها سيارات .. لكن اعتقد السياره ماراح تصرف كثير اذا مثل هالمشاوير

عموما

انا ماني ضد الدبابات . بالعكس بتفك زحمه .. لكن ان كان يوجد مسارات خاصه فيها

عشان هم يسلمون من الحوادث .. ولا يضايقون السيارات لان اللي راكب السياره ويشوف قدامه دباب .. يهدي خوفا من انه يسير له شيء ويدعسه

فان كان يوجد مسارات خاصه .. ففكره جيده ولا مانع ابدا وبالعكس راح تقل زحمه السيارات وراح تكون وسيله اسرع ولا تصرف الا ٧ ريال بنزين فل


up 13 down 1
ابوخالد1397 2430
قبل 9 شهر و أسبوع



الدباب خطير لو يحدك احد او تطيح
حتى لو عليك خوذة راس ما يرد جسمك شي

حليو دباب البطة اللي بيروح بقاله او للمسجد
الفل بخمسة قبل الزيادة مدري عاد كم زاد


up 3 down 3
1405-1985 1412
قبل 9 شهر و أسبوع



دباب ممتاز بس لاشوارع مهيئه ولا شعب مهيئ
يحدك بزر معاه اكسنت تروح فيها
فوق هذا يمكن تصفق بحفره
تقلبك على وجهك من شوارعنا
غير عيون البس بتكسر ظهرك وانت على الدباب
لامساعدات ولا شيء هههههه كأنك داعس على حجر
هذا غير اشهر طائر بالسعوديه كيس البقالات
بينشب بالخوذه الي لابسها ههههه
انا اشوف البقي حق البر امان اكثر من الدباب
ممكن اذا حولنا على الدبابات اشتريه ٤كفرات ومريح
وأمن من بعد الله وفوقها واسع يشيل اغراض اكثر من الدباب


up 7 down 2
d7ooom777 428
قبل 9 شهر و أسبوع



الدباب خطير والعالم متهورين عندنا

واذا كنت ساكن بشقة صغيرة وين توقفه أحيانا ماتقدر تدخله بالشقة وخارج الشقة معرض للسرقة


up 4 down 2
دكتوراه في الحب 166
قبل 9 شهر و أسبوع



قبل كم يوم كنت امشي بموتري على مخرج 9 بالرياض .. وقدامي عاملين راكبين دباب بطه 
والله انهم تنثروا في الجو كأن واحد صادمهم .. انا انخرشت فجأة أشوف الاوادم محلقين في الجو 

وامسك بريك واردد ياساتر ياستار .. وادق فليشر واوقف قبلهم بشوي وانزل .. سلامات يا صديق 
وش فيه ؟!؟! ... قال انا امشي وقدامي حفرة صغيرة تقريباً بقطر ٢٥ سم وعميقة شوي ... اثرهم عيال الحلال
وطوها بدون ما يميزونها وقلبت عليهم الدباب وفكهم الله من السيارات اللي وراهم لا تدعسهم .

جت اصاباتهم جروح وكدمات خفيفة لانهم مو مسرعين والا كانت علوم .

الخلاصة مثل ما تفضلوا الاخوان ... شوارعنا نقول يا رب تخارجنا وحنا بسيارات فمبالك 
دبابات .. غير الناس المتهمورين اللي لا احترام للنظام ولا لخلق الله .



up 4 down 1
nasser1430 858
قبل 9 شهر و أسبوع



وعليكم السلام ورحمة الله وبركاته
من بعد قرائتي للردود انصحك بتراجع عن تفكيرك لاقتناء دباب لاجل سلامتك


up 2 down 0
nissan200 87
قبل 9 شهر و أسبوع



واذا جا الصيف و درجة الحرارة 50 وش تسوي؟


up 4 down 1
chevrolet zr1 584
قبل 9 شهر و أسبوع



خل معك جركل ماء  اذا جاء الصيف ورش نفسك   مع الهواء  براد  


up 1 down 0
سالم السالم s 37
قبل 9 شهر و أسبوع



لازم تكون ساكن في شقة أرضية فيها حوش توقف فيه الدباب

الدباب يصلح للمشاوير السريعة لأنك ما تقدر توقفه فترة طويلة من لقافة بعض البشر

في الأجواء الحارة ما تقدر تتحمل لبس الخوذة خاصة في الأجواء الرطبة

طبعاً غير سوء الطرق وهماجة الناس على الطريق وسعر الدراجات المبالغ فيه

نصيحة لكن من ينوي شراء دباب يفكر ويسأل حتى ما يتورط


up 1 down 0
مفقود 761
قبل 9 شهر و أسبوع



أصلا حتى الدباب ارتفع تعبئته صار تقريبا بأكثر من 15 ريال مايجلس اكثر من يومين فيه او ماتتعدى 100كم.

السيكل افضل وصحي بس لازم تكون حريص شوي في ضل القيادة المستهترة من قبل بعض الشباب هداهم الله.


up 1 down 0
بوحمد4445 76
قبل 9 شهر و أسبوع



مافيه حل الا السيارة مشكلة الدباب مشكلة كبيرة جدا وهي ان الشخص الا سايق الدباب هو عبارة عن بودي بياكل اي صدمة فيه لا قدر الله

احد اقربائي يعمل ممرض بطوارئ احد المستشفيات اخبرني ان حالات الغيبوبة لدى الاجانب اكثرة بسبب حادث على دباب والسبب ان السائق في الدباب يكون عبارة عن بودي اي صدمة تجي فيه بينما السيارة لو جات صدمة تجي عالبودي والله يحفظنا واياكم من كل شر


up 1 down 0
خالد2015الحامد 11
قبل 9 شهر و أسبوع



أخوي أنا لي 4 سنوات استعمل الدراجه الناريه كوسيلة مواصلات اساسيه مع العلم اني عندي موستنج و F150 موديل حديث ولله الحمد

لاكن الدراجات امتع بكثير واريح بكثير وبالفعل توفر بنزين لاكن عيبها بالخطوره مثل ماذكروا الشباب.
ممكن تقلل من الخطوره هذي بملابس الحمايه وإقتناء دراجه فيها نظام الحمايه ABS.
طبعا تكاليف الدراجات اغلى من السيارات ماعدا لو شريت دباب هندي ثم ياباني حجمه 300 سي سي او اقل هنا اقدر اقولك بتوفر.

وبالتوفيق


up 0 down 0
hemo1001 31
قبل أسبوع



بالنسبه للجو نعم يضايق بس مايمنع من الخروج
مثل ما الزحمه تضايق. ماتحصل موقف للسياره يضايق. يسكرلك واحد الشارع يضايق.

بالنسبه للشوارع اذا دراجتك خفيفه او جبليه بتكون الدراجه ايجابيه لأنك منتب حاس بالشارع. الدراجه لسبب ما اريح لين كليت مطب فيها مثلا وهذا الشي اللي انا مافهمته.


up 0 down 0
hemo1001 31
قبل أسبوع